話咁快就來到委員會介紹啦～
首先介紹嘅係粵語委員會——國際奧林匹克委員會🔖
委員會：國際奧林匹克委員會
議題：2032夏季奧運會選址
席位設置：40席，單代表制
工作語言：繁體中文（廣東話）
喺1964年嘅夏季奧運會上，南非因為佢嘅種族隔離政策而受到抵制，無法參與奧運。幾十年之後，種族隔離制度終於喺南非成為歷史。喺2008年嘅北京奧運，導演張藝謀以中華文明為主題嘅開幕禮驚艷世界，標誌中國喺國際舞台上嘅又一次轉變。
奧運由1896年喺雅典舉行到而家已經超過一百年，由最初只有13個國家同311位選手參與，到今日已經發展成為每屆有成萬個選手、339個項目嘅大型國際活動。
《奧林匹克憲章》嘅「基本原則」表明希望「通過冇任何歧視、具有奧林匹克精神——以友誼、團結同公平精神互相瞭解——嘅體育活動嚟教育青年，從而為建立一個和平而且更美好嘅世界做出貢獻」。雖然話奧運官方嘅精神係非政治性嘅，但係每年屆奧運其實都係國家實力同政治嘅一次重要大考驗。因為每次搞一場奧運都代表國家有足夠嘅實力同配置去迎接來自世界各地唔同嘅觀眾。同時，奧運亦都係一次比各國選手去展現自己同同國家訓練成果嘅一次機會。而每屆奧運嘅選址，都會左右國家喺政治同外交上嘅力量。
今次我哋嘅委員會係國際奧林匹克委員，而議題就喺為2032年夏委奧運會選出舉辦國家。代表們需要喺澳洲布里斯本、印度亞美達巴德、印尼雅加達、卡達杜哈、德國萊茵、以及西班牙馬德里呢六個城市中選出適合嘅城市。代表們將會化身為來自世界各地嘅代表，喺了解國家嘅奧運計劃、經濟狀況、國家實力等方面後，為奧委會選出2032年夏季奧林匹克運動會嘅舉辦城市。